Enti Shtetëror i Revizionit, Fondacioni Westminster për Demokraci dhe Ministria e Punëve të Jashtme, Komonuelthit dhe Zhvillimit të Britanisë, vazhdojnë bashkëpunimin e tyre të suksesshëm në zbatimin e projektit “Mbështetje për Zbatimin e Strategjisë së Komunikimit të Entit Shtetëror të Revizionit”.

Aktivitetet e projektit janë planifikuar të zbatohen deri më 31 Mars 2022, periudhë në të cilën zbatimi i Strategjisë së Komunikimit të ESHR-së (2020 - 2023) do të përqendrohet në forcimin e komunikimit dhe bashkëpunimit të ESHR-së me institucionet relevante dhe organizatat e shoqërisë civile.

Përveç përcaktimit të mjeteve të komunikimit për komunikim me institucionet dhe organizatat e shoqërisë civile, ESHR do të vazhdojë me aktivitetet për informimin e mediave, gazetarëve hulumtues dhe publikut të gjerë në lidhje me punën e ESHR-së, të vendosura në dy fazat e mëparshme të projektit.

Nënshkrimit të memorandumit i parapriu punëtori kushtuar definimit të aktiviteteve për forcimin e komunikimit dhe bashkëpunimit midis Entit Shtetëror të Revizionit dhe Kuvendit të RMV-së, në të cilën ishin të ftuar dhe morën pjesë përfaqësues nga Komisioni për Çështjet Ekonomike, Institutit Parlamentar dhe Zyra e Buxhetit Parlamentar.