Главниот државен ревизор м-р Максим Ацевски, на ден 18.03.2022 година, во просториите на Државниот завод за ревизија оствари средба со претставникот на СИГМА г. Фердинанд Пот, виш советник за политика и управување со јавни финансии.

На одржаната средба, главниот државен ревизор и претставникот на СИГМА разговараа за новата програма за реформа на јавните финансии 2022 – 2025 година, како и за извештајот на оценската мисија на СИГМА за работењето и резултатите на Државниот завод за ревизија.

Главниот државен ревизор м-р Максим Ацевски информираше за одржаниот настан/јавна расправа за драфт верзијата на Законот за државната ревизија, со кој се очекува меѓу останатите измени Државниот завод за ревизија да добие финансиска и оперативна независност во работењето.